ಮೂಡುಬಿದಿರೆ: ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಆಳ್ವಾಸ್ ರಂಗ ಅಧ್ಯಯನ ಕೇಂದ್ರ ಆಶ್ರಯದಲ್ಲಿ
ಸೆ.20 ರಂದು ಸಾಯಂಕಾಲ 6.45 ಕ್ಕೆ ನುಡಿಸಿರಿ ವೇದಿಕೆಯಲ್ಲಿ ಹೇಮಾವತಿ ಹೆಗ್ಗಡೆ ಅವರು ಮಾರ್ಗದರ್ಶನದ ಬರ್ಬರೀಕ ಕನ್ನಡ ನಾಟಕ ಪ್ರದರ್ಶನವನ್ನು ಏರ್ಪಡಿಸಲಾಗಿದೆ.
ಕಲಾಬಳಗ ಧರ್ಮಸ್ಥಳ ಅರ್ಪಿಸುವ ಈ ನಾಟಕದಲ್ಲಿ ಕ್ಷೇತ್ರದ ಪ್ರತಿಭಾನ್ವಿತ ಸಿಬ್ಬಂದಿಗಳು ಕಲಾವಿದರಾಗಿ ಅಭಿನಯಿಸಲಿದ್ದಾರೆ. ಶಶಿರಾಜ್ ರಾವ್ ಕಾವೂರು ರಚಿಸಿದ ಬರ್ಬರೀಕವನ್ನು ನೀನಾಸಂ ಪದವೀಧರ ಸುನಿಲ್ ಶೆಟ್ಟಿ ಕಲ್ಕೊಪ್ಪ ನಿರ್ದೇಶಿಸಿದ್ದಾರೆ. ಧರ್ಮಸ್ಥಳದ ಬಿ.ಭುಜಬಲಿ ಹಾಗೂ ರತ್ನವರ್ಮ ಜೈನ್ ತಂಡದ ಸಂಯೋಜಕರಾಗಿದ್ದಾರೆ. ಆಸಕ್ತರಿಗೆ ಉಚಿತ ಪ್ರವೇಶವನ್ನು ಕಲ್ಪಿಸಲಾಗಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ ಮೋಹನ ಆಳ್ವ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
